الدنيابهجة الدنيـا وزخرفهـا يـزول
إفهموا ياهل الدرايـة والعقـول
وحيلة المضطر للأمـر الأمـر
منتهاها كان تقصـر أو تطـول
وغير وجه الرب فاليوم العظيـم
ما تواجه غيـر طيبـة الفعـول
اغنموا فرصات بهجـات العمـر
قبل يـومٍ مـا تخيـر بالحلـول
ولا تحسف وأنت لك فعلٍ جميـل
يقبله رب المـلا يـوم القبـول
لا تناظـر غيـر وجـه الله ولا
تنقفل في باب بهجتـك القفـول
الحظيظ اللي على مـر الزمـان
بين حظه والمعـزه مـا يحـول
وغايته يكظم بها كظـم الجمـال
وينتبه عن قولة الواشـي يقـول
ينتبه لـورود وقتـه والصـدور
والربيـع اللـي تقفـاه المحـول
ويدري أن الله ضمن ثنتيـن دوم
الحيا والموت حولٍ بعـد حـول
والليالي بين نقـص وبيـن زود
والغنيمـة والغنائـم بالفـلـول
وما تهمه عـدوة السبـع جهـرا
ويتوقع عـدوة السبـع الختـول
وما يطاول راعي الحق المصيب
وبالمهامل يثني عقـال الذلـول
وكل ما بين العرب سمع الجـدال
ما يجاري في ردا العقل الخبـول
ولو تقوم بوجهه أحداث الزمـان
ما تهـزه وقعـة أيـامٍ تهـول
والعدو اللي لبس ثوب الصديـق
ما درى إنه من نزولٍ في نزول
من ربا في دار ما يرعى غـلاه
في حمانا لا يصول ولا يجـول
عام الأول شافو النـاس العجـب
عقب ما سيطر على الخلق الذهول
والعميل اللي معـك وإلا عليـك
يسبر الغره على حسب الميـول
يسبر الغرات في حـالٍ وحـال
مخلفٍ كل الطرايق والوصـول
دارنا بالشرع ودروس الضحـى
شرعت كل المدارس والفصـول
الأمير عبد العزيز بن سعود بن محمد آل سعود - السامر
هذه قصيده جميله لهذاالاسبوع ارجو ان تحوز على رضاكم..
السبت سبتمبر 13, 2008 8:25 am
