مرحبا بكم في منتديات الشافعي...منتديات تعليمية...ثقافية...ترفيهية

 
الرئيسيةس .و .جبحـثالتسجيلالمجموعاتدخول

شاطر | 
 

 [ كان ] لك قلبي مدينة

اذهب الى الأسفل 
كاتب الموضوعرسالة
a.h.o.d.a

avatar

عدد المساهمات : 423
تاريخ التسجيل : 26/02/2009

مُساهمةموضوع: [ كان ] لك قلبي مدينة   الخميس فبراير 11, 2010 8:31 am

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )


والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك d]تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي ] مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه
الرجوع الى أعلى الصفحة اذهب الى الأسفل
 
[ كان ] لك قلبي مدينة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مرحبا بكم في منتديات الشافعي...منتديات تعليمية...ثقافية...ترفيهية :: الأدب والشعر :: الشعر والنثر-
انتقل الى: